Չարությունը թող իրա միջից դուրս գա, երիտասարդ աղջիկ է, մեղկ է․ Վարդան Ղուկասյանը՝ Նազելի Բաղդասարյանի մասին

«Կոմունիստական կուսակցության» ցուցակը գլխավորող Վարդան Ղուկասյանը, լրագրողների հետ զրույցում անդրադառնալով Նազելի Բաղդասարյանի այսօրվա հայտարարությանն, ասել է․ «Հիմա ի՞նչ է ասել, գյումրեցու գլխից մազ չպակասի՞, այսինքն իմ քաղաքապետ լինելով՝ գյումրեցու գլխից մազ պակասի՞․․․ Էդ աղջիկը շատ հիշաչար աղջիկ է, թե ինչի համար էդքան թույն է պահում իր մեջ իմ նկատմամբ, էդ էլ չգիտեմ, բայց գիտեմ՝ ինքը, որ ամուսնանում էր, մերը խնդրում էր ինձ, որ գնայի, մասնակցեի իր հարսանիքին։

Հետո մայրը գալիս էր, շատ խանութներ էր ուզում, էնքան տեղ եմ տվել , էնքան լավ բաներ եմ արել իրանց, բայց ինչի՞ է էդ աղջիկը էդքան չարացած իմ նկատմամբ, չգիտեմ։ Մի բան էլ գիտեմ, որ իր տան վրայից, որ մարդ ընկավ, մահացավ, պահեցին, որ ոչ ոք չիմացավ, ոչ մի գործ չհարուցեցին, այ իրանք իրանց դարդը լացեն։

Մեր ապրած կյանքը պարզ, շիտակ, հասկացար, պահելու հեչ բան չունենք մենք, էնպես որ, չարությունը թող իրա միջից դուրս գա, երիտասարդ աղջիկ է, մեղկ է։ Ես իրան չեմ անիծում, ոչ էլ վատ բան եմ ասում, ես իրա համար կաղոթեմ, որ խելքի գա»։

Ավելի վաղ վարչապետի մամուլի խոսնակ Նազելի Բաղդասարյանը գրել էր․ «Ե՛վ Գյումրու, և՛ գյումրեցիների համար եք պատասխանատու։

Ու Աստված չանի՝ մեկի գլխից մազ ընկնի։ Ի դեպ, բոլոր այն պնդումները, թե այս որոշումից ի վեր քաղաքական պատասխանատվություն չեք կրելու, դատարկաբանություն են։

Իսկ եղավ այն, ինչի մասին ասում էինք։ Գյումրու ճակատագիրն այս մարդկանց ի բնե հետաքրքիր չի եղել։ Իրենք իշխանազավթում էին տենչում, և տերերի ցուցմամբ պատրաստ եղան Գյումրին դնել զոհասեղանին։

Իսկ այլընտրանք կար՝ գնալ նոր ընտրությունների։ Բայց չէ՞ որ մարդիկ հենց այսօր են անցնում ընտրակաշառքի գործերով։ Եվ բնական է, որ նոր ընտրությունների պարագայում հավաքած ձայների կեսն էլ չէին ունենա։

Եվ ուրեմն կեցցե՛ քաղաքական առուծախը,

Հարցն այն է՝ ծախողի՞, թե՞ ծախվողի դերում ես։

Ինչևէ, ոմանց թասիբի և արժանապատվության մասին պատկերացումներս ամբողջացան։
Սպասելի էր»։