Նանուշյանն իր չծառայած որդուն տեղավորել է ՁԻԱՀ-ի դեմ պայքարի ծրագրո՞ւմ

Առողջապահության փոխնախարար Լենա Նանուշյանն իր ընկերուհուն, ով մասնագիտությամբ հոգեբան է, նշանակել է ՄԻԱՎ-ի դեմ պայքարի Գլոբալ հիմնադրամի ծրագրերը համակարգող խմբի ղեկավար՝ այդ պաշտոնից հեռացնելով խմբի երկարամյա ղեկավար Հասմիկ Հարությունյանին։

Նույն կառույցում բարձր աշխատավարձով տեղավորել է իր սանուհուն՝ Սևիլյա Աբրահամյանին։

Փոխարենը այս կառույցը լքել են ոլորտում աշխատելու տարիների փորձ ունեցող աշխատակիցներ Քրիստինե Խաչատրյանն ու Լիլիթ Խաչատրյանը։ Այսպիսով, Ավանեսյան-Նանուշյան զույգն իրենց ձեռքերում են կենտրոնացրել ՄԻԱՎ-ի դեմ պայքարի միլիոնավոր դոլարների ֆինանսական միջոցներն ու ծրագրերը՝ առիթն օգտագործելով և իրենց մտերիմներին տեղավորելով բարձր աշխատավարձերով պաշտոններում։ Ավանեսյանի և Նանուշյանի հովանավորյալ՝ կորտիզոլն ու ադրենալինը նույն հորմոնը համարող Հիվանդությունների վերահսկման և կանխարգելման կենտրոնի ներկայիս գլխավոր տնօրեն Ստեփան Աթոյանի քույրն էլ զբաղեցնում է ՄԻԱՎ-ի, տուբերկուլոզի և մալարիայի դեմ ուղղված միջոցառումները համակարգող հանձնաժողովի քարտուղարի` բավականին լավ վարձատրվող պաշտոնը։

Սակայն ՁԻԱՀ-ի ծրագրերում «խնամի, ծանոթ, բարեկամ» սկզբունքի կիրառությունն այսքանով չի ավարտվում։ Պարզվում է, որ Լենա Նանուշյանի՝ բանակից ազատված և ոլորտի հետ որևէ առնչություն չունեցող ավագ որդին էլ «լավ տաքուկ գործ է» գտել ՄԱԿ-ի ՁԻԱՀ-ի դեմ պայքարի ծրագրում՝ իհարկե հավանաբար մայրիկի միջնորդությամբ։

Հիմա հասկանալի է` ովքեր և ինչու են առաջացնում կադրային ճգնաժամ առողջապահության ոլորտում: