Թուրքիային մտահոգում և նյարդայնացնում են Հնդկաստանի ամուր կապերը Հայաստանի հետ․ Zee News India

Թուրքիան մտավախություն ունի, որ Հնդկաստանը բացահայտ կաջակցի Հունաստանին, գրում է հնդկական Zee News India-ը:

Թուրքական ԶԼՄ-ները մտավախություն ունեն, որ Հնդկաստանը որպես հատուցում կուժեղացնի Հունաստանի հետ պաշտպանական և տնտեսական կապերը: Ըստ տեղեկությունների՝ Հնդկաստանը ուսումնասիրել է Հունաստանում խոշոր ներդրումների հնարավորությունը: Գործարքները կարող են լինել նավահանգիստների, զբոսաշրջության և պաշտպանության ոլորտում, ինչը նյարդայնացնում է Թուրքիային։ 

Հնդկաստանն ամուր կապեր ունի նաև Թուրքիայի մյուս մրցակիցների՝ Կիպրոսի և Հայաստանի հետ։ Նման իրավիճակում Թուրքիայի վախը բնական է։ Բացի Akash-ից, Հնդկաստանի ամենամեծ սպառնալիքը իր թշնամիների համար BrahMos հրթիռն է, որի  արտադրությունը արագորեն մեծանում է: «Ակնկալվում է, որ Հնդկաստանն այդ զենքը կօգտագործի Թուրքիային և Չինաստանին իր դաշնակիցների միջոցով հակազդելու համար», - գրում է աղբյուրը։