ԱՄՆ-ում հայտարարել են Patriot-ի պահպանման և արտադրության վրա ծախսվող գումարի չափը

Միացյալ Նահանգները 20 տարվա ընթացքում 50 միլիարդ դոլար կհատկացնի Patriot հակաօդային պաշտպանության հրթիռային համակարգերի պահպանման և արտադրության հնարավոր ընդլայնման համար։ Այս մասին հայտնել է ՌԻԱ Նովոստին՝ հղում անելով գնման ծանուցմանը։

Ավելի վաղ հաղորդվել էր, որ Պենտագոնը պայմանագիր է կնքել Raytheon Technologies (RTX) ընկերության հետ այդ համակարգերի պահպանման համար մեկ տարի ժամկետով։

ՌԻԱ Նովոստիի փոխանցմամբ՝ առաջին փուլերից մեկը կլինի 14 կարևորագույն բաղադրիչների մատակարարումը, այդ թվում՝ մասնագիտացված տպագիր միկրոսխեմաների և սառեցման օդափոխիչների, որոնք անհրաժեշտ են Patriot համակարգերի ամենօրյա աշխատանքի համար։

Այս պայմանագրի հիմնական հաճախորդը կլինի Պենտագոնը, ինչպես նաև դրա ենթակա կառույցները։

Patriot հակաօդային պաշտպանության համակարգերը ԱՄՆ գլոբալ հակահրթիռային պաշտպանության համակարգի հիմնական տարրն են։

Համապատասխան համակարգերն առաջին անգամ Ուկրաինային մատակարարվել են 2023 թվականին։