Ուկրաինացի զինծառայողը դատապարտվել է 14 տարվա ազատազրկման՝ Կուրսկի մարզ ներխուժելու և հարձակողական դիրք ստեղծելու համար

Ուկրաինայի զինված ուժերի 115-րդ առանձին մեխանիզացված բրիգադի զինծառայող Դմիտրի Միասյակովը դատապարտվել է 14 տարվա ազատազրկման՝ Ռուսաստանի Կուրսկի մարզ ներխուժելու և Բերդին գյուղատնտեսական հողամասում մարտական դիրք ստեղծելու համար։ Տեղեկությունը հրապարակել է ՌԴ Քննչական կոմիտեն։

Ըստ քննության՝ հունվարի 5-ին Միասյակովը, ծառայակիցների հետ, հատել է ՌԴ պետական սահմանը, զբաղեցրել սահմանային տարածք և այնտեղ կազմակերպել դիտարկման և կրակային հենակետ՝ նպատակ ունենալով վերահսկողություն սահմանել այդ հատվածում։ Նույն օրը երեկոյան նա ձերբակալվել է և տեղափոխվել քննչական մարմինների վերահսկողության տակ։

Հիշեցնենք, որ ավելի վաղ ևս երկու ուկրաինացի զինծառայողներ Կուրսկի մարզի տարածքում իրականացրած հարձակման համար դատապարտվել էին 15 և 16 տարվա ազատազրկման։