Խուզարկություններ են ընթանում ընդդիմադիր «Հաղթանակ» դաշինքի անդամների մոտ
Աշխարհ
Մոլդովայում մեկնարկել են լայնածավալ խուզարկություններ ընդդիմադիր «Հաղթանակ» դաշինքի անդամների բնակարաններում և գրասենյակներում՝ ընտրություններին միջամտելու մեղադրանքով։ Տեղեկությունը հաստատել է դաշինքի առաջնորդ Իլան Շորը՝ նշելով, որ գործողություններն իրականացվում են «Մայա Սանդուի ռեժիմի շների կողմից»։
«Նրանք գիշերային ռեժիմով ներխուժում են մարդկանց տներ, բռնությամբ շրջում մեր թիմի անդամների կյանքը։ Այս ամենը՝ դեռ չկայացած 2025 թվականի ընտրություններին միջամտելու մտացածին մեղադրանքով», — գրել է Շորը։
Մոլդովայի ոստիկանության գլխավոր տեսչությունը հաստատել է, որ տարբեր շրջաններում կատարվում են 78 խուզարկություններ՝ էլեկտորալ կոռուպցիայի գործի շրջանակում։
Շորի խոսքով՝ սա ընդդիմության վրա ճնշում գործադրելու քաղաքական շղթայի շարունակությունն է։ Ավելին, «Հաղթանակ» դաշինքին հուլիսին հրաժարվել էին գրանցել ընտրություններին՝ փաստաթղթային խախտումների պատճառաբանությամբ։ Դաշինքը բողոքարկել էր այդ որոշումը, սակայն երկրի Բարձրագույն դատարանը վերջնականապես ուժի մեջ է թողել արգելքը։ Այժմ ընդդիմադիրները պատրաստվում են դիմել Եվրոպական մարդու իրավունքների դատարան։
Վերջին տարիներին Մոլդովայի իշխանությունները սաստկացրել են ընդդիմության նկատմամբ վերահսկողությունը․ բացվում են քրեական գործեր, արգելվում է քաղաքական գործիչների մուտքը երկրից, և փակվում են իշխանություններին անհաճո լրատվամիջոցները։
ՈՒՂԻՂ ԵԹԵՐ
Ամենադիտված 
Ընտանիք․ Անահիտ Կիրակոսյանի նախկին ամուսինը նոր լուսանկար է հրապարակել (Լուսանկար)
