Լավրովը մեկնաբանել է Բաքու-Երևան համաձայնագիրն ԱՄՆ-ում

Ռուսաստանի արտաքին գործերի նախարար Սերգեյ Լավրովը հայտարարել է, որ այս տարվա օգոստոսին ԱՄՆ-ում Նիկոլ Փաշինյանի և Իլհամ Ալիևի կողմից ստորագրված համաձայնագիրը «Հայաստանի և Ադրբեջանի ինքնիշխան իրավունքն» է։ Դիվանագետն այս մասին ասել է ՄԳԻՄՕ-ի ուսանողների համար ունեցած ելույթի ժամանակ, հաղորդում է ՏԱՍՍ-ը։

Միևնույն ժամանակ, նախարարը նշել է, որ անհրաժեշտ է հետևել, թե ինչպես է այս համաձայնագիրը գործելու։

Լավրովի խոսքով՝ Ադրբեջանի և Հայաստանի միջև համաձայնագրից հետո «ոգևորված բացականչությունները» փաստաթղթի հրապարակումից հետո փոխարինվեցին սկեպտիկ գնահատականներով։

Դիվանագետը հավելել է, որ Հարավային Կովկասում Ռուսաստանի Դաշնության հիմնական առաջնահերթությունները խաղաղությունն ու համագործակցությունն են, դրանք երբեք չեն փոխվել։