Ֆրանսիայում 16-ամյա մարզիկը մահացել է հեծանվավազքի ժամանակ

Ֆրանսիայի Կուրսմոն քաղաքում 16-ամյա հեծանվավազորդ Նոա Սարտիսը մահացել է մրցույթի ժամանակ սրտի կանգից։ Մրցումը նախատեսված էր մինչև 17 տարեկան մարզիկների համար։ Սարտիսը գտնվում էր առաջատարների խմբում, երբ հանկարծակի վատացավ ու ընկավ։ Բժիշկները տեղում առաջին օգնություն ցուցաբերեցին, սակայն նրա կյանքը փրկել չհաջողվեց։

Դեպքի պատճառները դեռ ուսումնասիրվում են։ Սարտիսի մահվան պատճառով նույն օրը նախատեսված մեծահասակների մրցումը չեղարկվել է։ Դեպքը ցնցել է մարզական հանրությանը և ուշադրություն սևեռել երիտասարդ մարզիկների առողջական վերահսկման հարցերին։

Հիշեցնենք՝ 2020-ին ռուս հեծանվորդ Պավել Սվեշնիկովն էլ մահացել էր Մոսկվայի «Գրան-պրի»-ի ընթացքում՝ գիտակցությունը կորցնելով և ընկնելով մրցուղու մի շրջադարձում, հայտնում է Лента.ру-ն։