Եվրոպական խորհուրդը հայտարարեց՝ ԵՄ-ն «նոր էջ» է բացել Թրամփի հետ հարաբերություններում

Եվրոպական միությունը «թերթել է էջը» ԱՄՆ նախագահ Դոնալդ Թրամփի հետ հարաբերություններում։ Այս մասին Financial Times-ի հետ զրույցում հայտնել է Եվրոպական խորհրդի նախագահ Անտոնիու Կոշտան՝ ընդգծելով, որ վերջին ամիսներին եվրոպա-ամերիկյան հարաբերությունները կայունացել են՝ չնայած նախորդ կտրուկ քննադատություններին։

Կոշտան նշեց, որ այս ամիսների ընթացքում հարաբերությունները եղել են ինտենսիվ և բարդ, սակայն կողմերը կարողացել են գտնել նոր ընդհանուր հարթակ՝ համագործակցության համար։ «Հունվարին բոլորը լուրջ անհանգստացած էին մեր կապերի ապագայով։ Այժմ մեզ հաջողվել է վերականգնել վստահությունը», — ասաց նա։

Ավելի վաղ Կոշտան հանդես էր եկել Ռուսաստանի նավթ գնելու երկրների նկատմամբ պատժամիջոցների խստացման կոչով՝ այն որակելով որպես Ուկրաինայի հարցով բանակցությունների կարևոր մաս։