Գերմանիայի կանցլերի կարծիքով՝ Եվրոպային անվտանգության նոր ճարտարապետություն է անհրաժեշտ
Հասարակություն
Գերմանիայի կանցլեր Ֆրիդրիխ Մերցը կարծիքով Եվրոպային անհրաժեշտ է անվտանգության նոր ճարտարապետություն ստեղծել և պրագմատիկ արտաքին քաղաքականություն վարել, որն ավելի շատ կողմնորոշված կլինի դեպի գերմանական և եվրոպական շահերը:
«Արմենպրես»-ի հաղորդմամբ՝ ինչպես փոխանցում է ՏԱՍՍ-ը, այս մասին Ֆրիդրիխ Մերցն ասել է Գերմանիայի դեսպանների համաժողովում, որը տեղի է ունենում երկրի արտաքին գործերի նախարարությունում:
«Այն, ինչ մենք անվանում էինք լիբերալ աշխարհակարգ, այժմ ճնշման տակ է բազմաթիվ կողմերից, այդ թվում՝ քաղաքական Արևմուտքի ներսից », – ասել է Մերցը: Նրա խոսքով՝ համակարգային հակամարտություն է առաջացել լիբերալ ժողովրդավարությունների և ավտոկրատիաների առանցքի միջև, որոնք աջակցում են միմյանց՝ բացահայտ ձգտելով մրցակցության։
Մերցի կարծիքով՝ ստեղծվում են նոր ռևիզիոնիստական դաշինքներ, իսկ ճգնաժամերն ու հակամարտությունները կուտակվում են:
«Այսպիսով, մենք կանգնած ենք հիմնարար, գրեթե պատմական խնդիրների առջև՝ ստեղծել նոր անվտանգության ճարտարապետություն, որը, եթե ամեն ինչ լավ ընթանա, հուսալիորեն կգոյատևի մի քանի տասնամյակ», – ասել է Մերցը:
ՈՒՂԻՂ ԵԹԵՐ
Ամենադիտված 
Ջուր չի լինի հուլիսի 28-ին ժամը 07.00-ից մինչև հուլիսի 29-ը ժամը 07.00-ն
