Ուշագրավ ճանապարհորդություն աշխարհի հնագույն քաղաքներից մեկով՝ Երևանով. The Times

Ըստ բրիտանական The Times պարբերականի «Հետաքրքիր ճանապարհորդություն աշխարհի հնագույն քաղաքներից մեկով» վերնագրով հոդվածի՝ Հայաստանի մայրաքաղաք Երևան արժե այցելել իր տպավորիչ ճարտարապետության, Արարատ լեռան տեսարանների և հինավուրց մշակույթի համար։

«Երևանը լցված է Արևմտյան Եվրոպայից եկած զբոսաշրջիկներով։ Գտնվելով Կովկասում՝ ծովից հեռու, Հայաստանի մայրաքաղաքն ունի յուրահատուկ, գրավիչ մթնոլորտ։ Խորհրդային դարաշրջանի կոպիտ ճարտարապետությունը տեղակայված է ուղղագիծ բազմա​​բնակարան շենքերի կողքին, իսկ առատ ճաշատեսակներն ուղեկցվում են թթի թունդ օղիով և անհավանական քաղցր նռան գինով։

Երևանն աշխարհի մշտապես բնակեցված հնագույն քաղաքներից մեկն է, և քաղաքի կենտրոնից ընդամենը մի քանի րոպե հեռավորության վրա են խոյանում հինավուրց տաճարները։ Քաղաքը նայում է խորհրդավոր Արարատ լեռանը՝ Նոյյան տապանի հանգրվանին։ Պայծառ արևոտ օրերին լեռան գագաթը, կարծես, լողում է հորիզոնի վերևում՝ հափշտակող տեսարան ստեղծելով»,- գրում է բրիտանական պարբերականը։

news.am/arm