Թրամփը ԵՄ-ին առաջարկել է Հնդկաստանի և Չինաստանի նկատմամբ մաքսատուրքերը 100%-ով բարձրացնել

ԱՄՆ նախագահ Դոնալդ Թրամփը առաջարկել է, որ Եվրամիությունը Հնդկաստանի և Չինաստանի համար մաքսատուրքերը 100%-ով բարձրացնի՝ որպես Ռուսաստանի վրա ճնշումը մեծացնելու համատեղ միջոցառումների մաս, հաղորդում է Financial Times-ը՝ հղում անելով երեք աղբյուրների։

Հրապարակման համաձայն՝ Սպիտակ տան ղեկավարը հեռակա կարգով միացել է ԱՄՆ և ԵՄ բարձրաստիճան պաշտոնյաների միջև Վաշինգտոնում տեղի ունեցած բանակցություններին, որոնք նվիրված էին Մոսկվայի վրա ճնշում գործադրելու միջոցառումների համակարգմանը։

«Մենք պատրաստ ենք գործել, պատրաստ ենք գործել հենց հիմա, բայց դա կանենք միայն այն դեպքում, եթե մյուս եվրոպական գործընկերները մեզ հետ միասին ավելացնեն միջոցառումները», - հրատարակությանը հայտնել է ԱՄՆ վարչակազմի աղբյուրը։

Ամերիկացի մեկ այլ պաշտոնյա հրատարակությանը պարզաբանել է, որ Վաշինգտոնը համաձայն է նույն մաքսատուրքերը մտցնել, ինչ ԵՄ-ն, եթե Բրյուսելը նմանատիպ որոշում կայացնի։