Վիճաբանություն և դանակահարություն՝ Երևանում
Հասարակություն
SHAMSHYAN.com-ի տեղեկություններով՝ օգոստոսի 4-ին վիճաբանություն և դանակահարություն է տեղի ունեցել Երևանում։ Ժամը 00։30-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Դավիթաշենի բաժնում օպերատիվ տեղեկություն է ստացվել, որ Դավիթաշեն 4 թաղամասում գործող «Ծիրան» սուպերմարկետի դիմաց վիճաբանություն է տեղի ունենում, իսկ կարճ ժամանակ հետո տեղեկություն է ստացվել, որ նշված հասցեից մի քաղաքացի «կտրած վերքեր» ախտորոշմամբ տեղափոխվել է «Արմենիա» բժշկական կենտրոն։
Ինչպես հայտնում է ֆոտոլրագրող Գագիկ Շամշյանը, ոստիկանության Դավիթաշենի բաժնի օպերատիվ խումբը՝ համայնքային ոստիկանի գլխավորությամբ, պարզել են, որ վիրավորը Երևանի բնակիչ 34-ամյա Նարեկ Ա․-ն է, ով հիվանդանոց է տեղափոխվել է Դավիթաշեն 4-րդ թաղամասի 27 շենքի մոտակա այգուց։
Ոստիկանները պարզել են նաև, որ Նարեկ Ա․-ին դեռևս չպարզված անձը ծեծի է ենթարկել ու պատճառել վնասվածքներ ու ձեռնարկվում են միջոցառումներ անհայտ անձին հայտնաբերելու քննության ներկայացնելու ուղղությամբ։
Դեպքի փաստով ոստիկանության Դավիթաշենի բաժնում փաստաթղթեր են կազմվել, որոնք փոխանցվել են ՀՀ Քննչական կոմիտեի Երևան քաղաքի քննչական վարչության Աջափնյակ և Դավիթաշեն վարչական շրջանների քննչական բաժին։
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
