Եթե ժողովուրդը հանդուրժի, որ երկրի կառավարիչն իր քաղաքացիներին հանձնի այլ երկրի, էլ ի՞նչ կարող եմ ասել․ Սարգսյան
Քաղաքական
«Ինձ վերաբերող հարցով բացարձակապես որևէ մտահոգություն չունեմ։ Ես միշտ վախեցել եմ, և հիմա էլ եմ վախենում այս կապիտուլյանտ պոպուլիստների հայահայկական քաղաքականությունից, որ դեռևս շատ բարդություններ է բերելու մեջ ժողովրդին։ Բայց եթե հայ ժողովուրդը կհանդուրժի, որ երկրի կառավարիչը, խախտելով Սահմանադրությունը, Հայաստանի քաղաքացիներից, անկախ՝ ես եմ, Պողոսն է, թե Պետրոսը, կհանձնի այլ երկրի, միայն ու միայն այն պատճառով, որ այդ քաղաքացին կատարել է ՀՀ օրենքները, Սահմանադրության պահանջները, որ գնահատվել է հակառակ երկրի կողմից որպես հանցագործություն, այդ դեպքում՝ էլ ի՞նչ կարող եմ ասել»,– այս մասին դատական նիստից հետո լրագրողների հետ զրույցում ասաց ՀՀ երրորդ նախագահ Սերժ Սարգսյանը։
Նա նաև նշեց, որ ՀՀ պատմության ընթացքում այսքան մեծ թվով քաղբանտարկյալներ չեն եղել․ «Եթե այսպես շարունակվի՝ թիվը բնականաբար ավելանալու է»,– ասաց Սարգսյանը։
Նախկին նախագահը նաև «կեղծ ձեռքբերում» որակեց Վաշինգտոնում Ադրբեջանի հետ խաղաղության համաձայնագրի նախաստորագրումը։ «Սրանից 20 անգամ ավելի լավ պայմաններով կարելի էր անել (իր իշխանության օրոք- խմբ․), բայց այն ժամանակ մեր ժողովրդի պահանջներին չէր համապատասխանում»,– ասաց նա։
ՈՒՂԻՂ ԵԹԵՐ
Ամենադիտված 
Մարտի 20-ին կդադարեցվի ջրամատակարարումը. հասցեներ
