Ռիտա Դակոտան խոստովանել է, որ ԱՄՆ-ում իրեն «անպետք» է զգում

Բելառուսյան ծագումով երգչուհի Ռիտա Դակոտան (Իրական անունը՝ Մարգարիտա Գերասիմովիչ), ով լքել է Ռուսաստանը, հայտնել է, որ երբեք չի նախատեսել մշտական կյանք ԱՄՆ-ում և այնտեղ իրեն անպետք է զգում։ Նրա խոսքերը փոխանցում է «Газета.ру»-ն։

Երգչուհին նշել է, որ Ռուսաստանում իր համերգային գործունեության արգելքի պատճառով ստիպված է ապրել արտասահմանում։ Նրա խոսքով՝ Լոս Անջելես է տեղափոխվել 2023-ին՝ ալբոմ ստեղծելու և անգլերեն սովորելու նպատակով։ Դակոտան ընդգծել է, որ ԱՄՆ-ն համարում է «շատ թանկ և անհարմար երկիր կյանքի համար»։ Ներկայումս նա բնակվում է Բալիում։

Նշվում է, որ լրատվամիջոցների տվյալներով՝ երգչուհուն իրականում չեն արգելել ելույթ ունենալ Ռուսաստանում, և նա պարզապես չի ցանկանում վերադառնալ։ Ավելի վաղ Դակոտան հերքել էր մեղադրանքները, թե իբր «ծածկում է» իր ռուսական անձնագիրը և ամաչում դրանից։