Ես չեմ հավատում, որ ԵՄ-ն իսկապես ցանկանում է արագ խաղաղություն Ուկրաինայում․ Ֆիցո
Աշխարհ
Եվրոպական պետությունները պետք է ամեն ինչ անեն, որպեսզի Ռուսաստանի նախագահ Վլադիմիր Պուտինի և ԱՄՆ նախագահ Դոնալդ Թրամփի հանդիպումը կայանա և հաջող լինի: Այս մասին Եվրամիությանը կոչ է արել Սլովակիայի վարչապետ Ռոբերտ Ֆիցոն, փոխանցում է Lenta-ն։
«Եթե ԵՄ-ն իսկապես ցանկանում է արագ խաղաղություն Ուկրաինայում, ինչին ես չեմ հավատում, նա պետք է ամեն ինչ անի, որպեսզի նախագահներ Թրամփի և Պուտինի հանդիպումը Բուդապեշտում տեղի ունենա առանց խոչընդոտների և որքան հնարավոր է շուտ», - նշել է քաղաքական գործիչը:
Ֆիցոյի խոսքով՝ չնայած հանդիպման անցկացման ճշգրիտ ամսաթվի մասին տեղեկատվության բացակայությանը, այն արդեն փորձում են ամեն կերպ խափանել: «ԵՄ-ն վերածվել է «ռազմական կաբինետի», որտեղ եվրոպացի պաշտոնյաներն աջակցում են ուկրաինական հակամարտությանը», - դժգոհել է վարչապետը:
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
