Ողջունում եմ Ադրբեջանի նախագահի հայտարարությունը․ Ալեն Սիմոնյան

Ակնհայտ է, որ հաստատված խաղաղության ապացույցներից մեկն է։ Վստահ եմ, որ գալիք ապագայում նման երկկողմ քայլերի պակաս չի զգացվելու։ Ես ողջունում եմ Ադրբեջանի նախագահի հայտարարությունը։ Շատ կարևոր հարցեր ունենք, սպասում ենք դրանց շուտափույթ լուծմանը։ Այս մասին լրագրողների հետ զրույցում ասել է ԱԺ նախագահ Ալեն Սիմոնյանն՝ անդրադառնալով Ադրբեջանի տարածքով Հայաստանի համար ապրանքների տարանցման սահմանափակումների վերացմանը։

Խոսելով Ժնևում Ադրբեջանի խորհրդարանի խոսնակ Սահիբա Գաֆարովայի հետ հանդիպման մասին՝ նա նշել է, որ քննարկել են նաև գերիների ու պահվող անձնաց հետ կապված հարցեր։

«Պետք է ասեմ, որ հանդիպումը շատ դրական եմ գնահատում։ Երկուստեք այն գնահատումը կա, որ խորհրդարաններն իրենց վրա պետք է վերցնեն հանրություններին պատրաստելու, մերձեցնելու և խաղաղության իրականության մեջ ապերլու, իրար ընդառաջ քայլեր անելու տրամաբանությունը։ Իմ գործընկերոջ մոտ այդ ընկալումը նույնպես կար։ Շատ դրական և ջերմ հանդիպում է տեղի ունեցել։ Պայմանավորվել ենք կոնկրետ քայլերի մեխանիզ երկու կողմերից առաջարկենք ու քննարկենք»,– հայտնել է Սիմոնյանը։

Նրա խոսքով՝ Գաֆարովան վստահեցրել է, որ Ադրբեջանի կողմից ռազմական ագրեսիան հնարավոր չէ, «այսքան քայլ ենք արել, այսքան բան ենք արել, այսքան միջազգային պարտավորություն ենք վերցրել մեզ վրա»։