Օբամայի պահվածքը զայրացրել է Բայդենի որդուն

ԱՄՆ նախագահ Ջո Բայդենի որդին՝ Հանթեր Բայդենը, խոստովանել է, որ զայրացել է Բարաք Օբամայի վրա՝ այն պահից, երբ վերջինս հեռացրել է իր հորը բեմից 2024-ի հունիսին տեղի ունեցած դրամահավաքի ընթացքում։ Ինչպես հաղորդում է Fox News-ը, այդ դրվագը ներառված է Հանթեր Բայդենի նոր գրքում։

«Ես պատրաստ էի բեմ բարձրանալ ու ասել՝ “Երբեք, Սուրբ Աստված, մի արա դա ԱՄՆ նախագահին”», — պատմել է նա։ Ըստ Հանթերի՝ Ջո Բայդենն այդ պահին ցանկացել է մի փոքր շփվել հանդիսատեսի հետ, սակայն Օբաման նրան ուղղակի հեռացրել է բեմից։

Բայդեն-կրտսերը հավելել է, որ դեպքը «շատ, շատ, շատ» է զայրացրել իրեն և կանխազգացել է, որ այն կդառնա համացանցային մեմ։ Ավելի վաղ Դոնալդ Թրամփը նույնպես քննադատել էր Օբամային՝ նշելով, որ նա «անիմաստ» է ստացել Նոբելյան մրցանակը և եղել է վատ նախագահ, մինչդեռ, ըստ Թրամփի, Բայդենը՝ «ամենավատն է ԱՄՆ պատմության մեջ»։