Լարիսա Գուզեևան հայտնվել է խարդախության քննության կենտրոնում՝ Բալիի վիլլաների գործով

Ինդոնեզիայի ոստիկանությունը սկսել է քննություն Լարիսա Գուզեևայի նկատմամբ, որը կարող է ներգրավված լինել Բալիի անշարժ գույքի խարդախ սխեմայում։ Ինչպես գրում է Mash-ը, դերասանուհին համագործակցել է ռուս ձեռնարկատեր Սերգեյ Դոմոգացկու հետ, որը միևնույն վիլլան վաճառել է մի քանի մարդկանց։

Տասը տուժածներ՝ Ռուսաստանի, Ուկրաինայի, Բելառուսի և Ֆրանսիայի քաղաքացիներ, արդեն դիմել են Ինդոնեզիայի ազգային ոստիկանություն։ Ըստ տվյալների՝ ընդհանուր վնասը գերազանցում է 31 միլիարդ ռուպիան՝ ավելի քան 152 միլիոն ռուբլի։ Ոստիկանությունը պարզել է, որ որոշ գնորդներ վճարել են իրական չկայացած նախագծերի համար, որոնց շինարարությունը երբեք չի մեկնարկել։

Գուզեևան հայտնվել է սկանդալի կենտրոնում այն բանից հետո, երբ տուժածներից մեկը պատմել է, որ տեսնելով նրա մասնակցությամբ գովազդը՝ գնել է վիլլա և փոխանցել շուրջ 200 հազար դոլար։ Սակայն շինարարությունը դադարեցվել է, իսկ գումարը չի վերադարձվել։ Ինդոնեզիական ոստիկանությունը այժմ ուսումնասիրում է Գուզեևայի հնարավոր պատասխանատվությունը գործի շրջանակում։