ԱՄՆ-ում հայտարարել են՝ «Իսկանդեր» հրթիռները զգալիորեն նվազեցրել են Ուկրաինայի ՀՕՊ-ի արդյունավետությունը

Ռուսական «Իսկանդեր-Մ» բալիստիկ հրթիռային համակարգերին մի շարք նորարարություններ թույլ են տվել զգալիորեն նվազեցնել Patriot հակաօդային պաշտպանության համակարգերի արդյունավետությունը Ուկրաինայում։ Այս մասին հաղորդում է ամերիկյան National Interest ամսագիրը։

Հոդվածում նշվում է, որ ռուս նախագծողները փոխել են «Իսկանդեր» հրթիռների թռիչքի ուղիները թիրախների վրա արձակվելիս։ Կանխատեսելի բալիստիկ աղեղի փոխարեն՝ հրթիռն այժմ թռչում է կիսաբալիստիկ հետագծով։ Այն կարող է ափ իջնել, ապա շեղվել իր հետագծից, կատարել կտրուկ անկում կամ մանևրել թռիչքի վերջնական փուլում։

«Իսկանդեր» հրթիռները նաև հագեցած են ռադարային խայծերով, որոնք արձակվում են թիրախին մոտենալու վերջնական փուլում՝ ավելի շփոթեցնելով արևմտյան հակաօդային պաշտպանության համակարգերի ռադարները և թիրախի հետևման համակարգերը։

Հոդվածում ընդգծվում է, որ «Իսկանդեր» հրթիռների նորարարությունները օգտագործում են Patriot մարտկոցների ռադարային համակարգերի բացթողումները և զգալիորեն նվազեցնում դրանց հուսալիությունը։