Կպատրաստենք հաղորդագրություն, որ հաճախորդը անմիջապես տեղեկանա վճարված գումարի մասին. Ավանեսյան
Քաղաքական
«Անձին հայտնելու համար, որ նա մեր պոտենցիալ շահառուն է ապահովագրության համակարգում, ունենք ARMED համակարգը, որով իրականացնելու ենք դա»,-ասել է առողջապահության նախարար Անահիտ Ավանեսյանը՝ ընդգծելով, որ մեծ տարիքի անձանց համար դժվար կլինի հավելվածից օգտվել։
«Հասկանալով, որ նրանց համար դժվար կլինի, այդ իսկ պատճառով առաջնային օղակի պոլիկլինիկաները և ամբուլատորիաները, որտեղ կցված են մեր քաղաքացիները, իրենց կտեղեկացնեն այս ձևաչափով»,-նշել է նախարարը։
Վարչապետ Նիկոլ Փաշինյանը առաջարկել է, որ ծրագրում եթե քաղաքացին որևէ ծրագրից օգտվի, նամակ ստանա, թե դրա համար ինչքան է կամ ով է վճարել, որին ի պատասխան նախարարը ընդգծել է, որ դա շատ կարևոր էլեմենտ է. «Այժմ իր հավելվածում քաղաքացին տեսնում է գրանցված այցը և պետպատվերով ինչքան է ծառայության համար փոխանցվել»,-ասել է նա և ընդգծել, որ վարչապետի առաջարկով դա առանձին հաղորդագրություն կպատրաստեն, որ անձը ուղիղ ստանա։
«Անձը անմիջապես կստանա նամակը, ոչ թե կմտնի հավելված և հետո կտեսնի»,-ընդգծել է նախարարը։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
