Վրաստանում «գողական աշխարհի» հետ կապված ադրբեջանցի է վնասազերծվել

Վրաստանի Ներքին գործերի նախարարության տվյալներով՝ Կաբալի գյուղում «գողական աշխարհի» դեմ հատուկ գործողության ժամանակ ձերբակալման ենթակա Միրզա Ալիևը կրակ է բացել հատուկ նշանակության ջոկատի զինվորների վրա, հաղորդում է Գրուզիա Օնլայնը։

Արդյունքում, հատուկ նշանակության ուժերի զինծառայողներից մեկը կրծքավանդակի լուրջ վնասվածք է ստացել, իսկ Միրզա Ալիևը սպանվել է պատասխան կրակից։

«Ձեռնարկված միջոցառումների արդյունքում 5 քրեական գործով մեր կողմից կալանավորվել է 34 անձ՝ այսպես կոչված «օրենքով գողերի աշխարհին» մասնակցելու, «օրենքով գողերի աշխարհի» գործունեությանը աջակցելու և «օրենքով գողերի աշխարհի» անդամին դիմելու մեղադրանքով։ Հեռակա կարգով մեղադրանք է առաջադրվել յոթ հոգու, այդ թվում՝ երկու անձի, ովքեր գտնվում են քրեակատարողական հիմնարկում, ինչպես նաև չորս անձի, ովքեր գտնվում են արտասահմանում, և մեկ «օրենքով գողի»։

Լագոդեխի շրջանի Կաբալի գյուղում ձերբակալվածներից մեկը՝ Միրզա Ալիևը, որի նկատմամբ կալանավորման դատարանի որոշում էր կայացվել, կրակ է բացել հատուկ ջոկատայինի վրա։ Արդյունքում հատուկ ջոկատայիններից մեկը ծանր վիրավորում է ստացել կրծքավանդակի շրջանում։ Ոստիկանության պատասխան կրակի հետևանքով Միրզա Ալիևը տեղում լիկվիդացվել է։

Այս հանցագործությունները նախատեսում են մինչև 15 տարվա ազատազրկում», — հայտարարել է ՆԳՆ փոխնախարար Իվանիշվիլի Գեկի Գելաձեն։