Մինսկը ՀԱՊԿ անդամ երկրների դեմ ագրեսիան կհամարի հարձակում Բելառուսի դեմ
Քաղաքական
Բելառուսը Միութենական պետության կամ ՀԱՊԿ անդամ երկրների դեմ զինված ագրեսիայի ակտը կհամարի հարձակում իր դեմ, լրագրողներին ասել է երկրի Ներկայացուցիչների պալատի ազգային անվտանգության հանձնաժողովի նախագահ Գենադի Լեպեշկոն։
Այսօր երկրորդ ընթերցմամբ նման որոշում է ընդունել Բելառուսի խորհրդարանը՝ փոփոխություններ կատարելով «Զինված ուժերի մասին», «Պաշտպանության մասին» և «Ռազմական դրության մասին» օրենքներում, հաղորդում է ԲԵԼՏԱ-ն։
«Նախատեսվում է, որ ռազմական ագրեսիայի ակտը, որ կիրականացնի որևէ երրորդ պետություն կամ պետությունների դաշինք Միութենական պետության կամ ՀԱՊԿ անդամներից ցանկացածի դեմ, կհամարվի նաև հարձակում Բելառուսի վրա», - հայտարարել է Լեպեշկոն։
«Օրինագիծը, մասնավորապես, նախատեսում է այս օրենքների տերմինաբանության ներդաշնակեցում Ռազմական դոկտրինի դրույթների հետ», - նշել է նա։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
