Apple-ը ամբողջությամբ կհրաժարվի սև iPhone Pro-ից

Apple-ը փորձարկում է նոր գունային տարբերակներ առաջիկա iPhone 18 Pro-ի համար, ըստ MacRumors-ի՝ հղում անելով չինական հեղինակավոր ներքին աղբյուր Instant Digital-ին։

Ներքին աղբյուրի խոսքով՝ iPhone 18 Pro-ի փորձարարական գույներն են՝ բորդո, մանուշակագույն և սուրճ՝ բոլորն էլ ավելի խորը և տաք երանգներով, քան ներկայիս մոդելները։

Միևնույն ժամանակ, աղբյուրը նշում է, որ Apple-ը քննարկում է մուգ գույների, այդ թվում՝ ծանոթ Space Black-ի և Graphite-ի լիակատար վերացման հարցը։ Այս դեպքում iPhone 18 Pro-ն կարող է լինել ընկերության առաջին ֆլագմանը՝ առանց դասական սև պատյանի։

iPhone 18 Pro-ի թողարկումը չի սպասվում մինչև 2026 թվականի աշունը։ Այդ ժամանակ Apple-ը կարող է բազմիցս վերանայել ապագա սմարթֆոնների գունային պալիտրաները կամ նույնիսկ հրաժարվել այդ ծրագրերից և պահպանել ավելի ծանոթ տարբերակներ, այդ թվում՝ սևը։

iPhone 17 Pro շարքը չի առաջարկում սև. սմարթֆոնը հասանելի է արծաթագույն, տիեզերական նարնջագույն և խորը կապույտ գույներով։ Այս որոշումը կայացվել է սարքի ալյումինե կորպուսի պատճառով. քերծվածքներն ավելի նկատելի էին սև մոդելի վրա։

Թարգմանությունը՝ Lurer.com-ի