Որևէ հայցից հրաժարվելու առաջարկ չենք ստացել. Անդրեասյան

«Եղիշե Կիրակոսյանը, մեր գրասենյակը չի ստացել որևէ հայցից հրաժարվելու որևէ առաջարկ»,- հայտնել է Միջազգային իրավական հարցերով ՀՀ ներկայացուցիչ Կարեն Անդրեասյանը՝ նշելով, որ Հայաստանը միջազգային ատյաններից Ադրբեջանի դեմ ներկայացրած հայցերը հետ քաշելու քննարկում կամ որոշում չունի։

Լրագրողի այն դիտարկմանը, որ Վաշինգտոնում նախաստորագրված խաղաղության համաձայնագրում կա կետ, որով կողմերը պարտավորվում են համաձայնագրի ուժի մեջ մտնելուց հետո հետ վերցնել միմյանց դեմ հայցերը միջազգային դատական ատյաններից, Անդրեասյանը պատասխանել է. 

«Ես պաշտոնապես ասում եմ՝ եթե երբևէ ՀՀ-ն, ՀՀ կառավարությունը, ՀՀ ԱԺ-ն, ՀՀ ՍԴ-ն որոշի վավերացնել որևէ համաձայնագիր, որով կորոշի որևէ իրավական գործընթաց դադարեցնել, այդ մասին ինձանից ավելի շուտ կծանուցվեք: Դրանից հետո արդեն միասին կհասկանանք, թե որը, ինչ իրավական գործընթաց է պահանջում»:

Անդրեասյանի խոսքով՝ Հայաստանը շարունակում է միջազգային հարթակներում հետևողականորեն պաշտպանել իր շահերը և որևէ նախադրյալ չկա դատական գործընթացներից հրաժարվելու համար։