Մոլդովան չի բացառում «Лукойл»-ի ակտիվների ազգայնացումը

Մոլդովայի իշխանությունները քննարկում են ռուսական «Лукойл» ընկերության ակտիվների ազգայնացման հնարավորությունը՝ Արևմուտքի կողմից նոր պատժամիջոցների ֆոնին։ Այս մասին հայտարարել է երկրի վարչապետ Ալեքսանդր Մունտյանուն՝ ընդգծելով, որ կառավարությունը պարտավոր է գործել միջազգային պարտավորությունների և օրենքների շրջանակում, հայտնում է ՏԱՍՍ գործակալությունը։

Մունտյանուն նշել է, որ որոշումը պետք է կայացվի հնարավորինս արագ, քանի որ ներկայումս Քիշնևի օդանավակայանը ամբողջությամբ կախված է «Лукойл»-ի վառելիքի մատակարարումներից։ Վարչապետը հավելել է, որ իշխանությունները չեն բացառում պետականացման տարբերակը՝ որպես իրավիճակից դուրս գալու միջոց։

Նշենք, որ «Лукойл»-ը պատժամիջոցների տակ հայտնվեց հոկտեմբերին, ինչից հետո ընկերությունը հայտարարեց իր արտասահմանյան ակտիվների վաճառքի մասին։ Գնորդ է դարձել շվեյցարական Gunvor Group էներգետիկ հոլդինգը, սակայն գործարքը դեռևս պետք է ստանա Արևմտյան երկրների կարգավորիչ հաստատությունների հավանությունը։ Մոլդովայում ռուսական էներգետիկ հսկային պատկանում է երկրի մոտ 20 տոկոս վառելիքի լցակայանները։