Արդյո՞ք կառավարությունը պատրաստվում է գնել ՀԷՑ-ը սեփականատերերից. պարզաբանում է Փաշինյանը

Պետք է սպասենք Հանրային ծառայությունները կարգավորող հանձնաժողովի որոշմանը և դրանից հետո մեր մոտեցումները ձևակերպենք, լրագրողների հետ զրույցում, անդրադառնալով հարցին՝ արդյո՞ք կառավարությունը պատրաստվում է գնել ՀԷՑ-ը սեփականատերերից, ասաց վարչապետ Նիկոլ Փաշինյանը։

Նա հիշեցրեց, որ ՔՊ համաժողովում ՀԷՑ-ի մասով երկու սցենար է նշել, որոնք մնում են ուժի մեջ. «ՀԾԿՀ-ի որոշումը կա՛մ հնարավոր, կա՛մ էլ անհնար է դարձնելու մեր մտածած սցենարները, կա՛մ էլ դրանց վրա որոշակի ազդեցություն է ունենալու։ Որոշումից հետո նոր կկենտրոնացնենք։ Հարց է նաև ծագում, թե ինչքա՞ն է լինելու գինը, իսկ գինը պետք է որոշվի համակողմանի վերլուծության արդյունքում։ Եթե դա կլինի տրամաբանական գին, ես ասել եմ, որ կառավարությունը շատ լրջորեն կքննարկի, եթե շատ մեծ կլինի գինը և ակնհայտ կլինի, որ պետական միջոցներով չենք կարողանալու դա իրականացնել, կգնանք երկրորդ սցենարով»։