Բժիշկները բացահայտել են տղամարդկանց մոտ մորուքի նոսրացման անսպասելի պատճառներ

Սննդակարգում սպիտակուցի և ճարպի պակասը, ինչպես նաև դիհիդրոտեստոստերոն հորմոնի նկատմամբ զգայունության նվազումը կարող են տղամարդկանց մոտ մորուքի նոսրացման պատճառ դառնալ: Այս մասին խոսել են մաշկաբան Փոլ Ֆարանտը և սննդաբան Ամանդա Սերիֆը Daily Mail-ին տված հարցազրույցում։

Ըստ Ֆարանտի, դեմքի մազերի խտությունը կախված է օրգանիզմի զգայունությունից դիհիդրոտեստոստերոնի (DHT) նկատմամբ, որը տեստոստերոնի ածանցյալ է: DHT-ն արտադրվում է ամորձիներում, շագանակագեղձում, ձվարաններում և այլ օրգաններում ու ծայրամասային հյուսվածքներում, ինչպիսիք են լյարդը, մաշկը և մազի ֆոլիկուլները, գտնվող հատուկ թիրախային բջիջներում: Այս գործոնը որոշվում է գենետիկայով. որքան մեծ է DHT-ի նկատմամբ զգայունությունը, այնքան խիտ է մորուքը, բայց նաև այնքան բարձր է ճաղատացման ռիսկը։

Բժիշկը նշել է, որ հատուկ դեղամիջոցները կարող են արագացնել մորուքի աճը, բայց դրանք պետք է օգտագործվեն միայն մասնագետի հսկողության ներքո: Սննդաբան Սերիֆը հավելել է, որ շատ դեպքերում պարզ սննդակարգային կարգավորումները կարող են օգնել։

«Լավ սնունդը մորուքի լավագույն ընկերն է։ Մազերը կազմված են սպիտակուցից, ուստի դրանց աճի համար կարևոր է ամինաթթուներ ստանալ՝ օրինակ՝ մսից, ձկից, ոսպից և ձվից», - բացատրեց նա։

Շերիֆը նաև խորհուրդ տվեց սննդակարգում ներառել ավելի շատ առողջ ճարպեր, ինչպիսիք են սկումբրիան, սաղմոնը, ընկույզը և ավոկադոն, քանի որ դրանք մասնակցում են հորմոնների սինթեզին։ Խեցգետինները, դդմի սերմերը և ամբողջական հացահատիկները նույնպես անհրաժեշտ են վիտամինների և հանքանյութերի լրացման համար։

Մասնագետը սննդային հավելումները մերժեց որպես մորուքի աճը խթանելու անարդյունավետ միջոց։ Բժշկի խոսքով՝ նման հավելումները կարող են արագացնել մազերի աճը միայն հաստատված անբավարարության առկայության դեպքում։ Նա նաև զգուշացրեց սննդային հավելումները մազերի համար նախատեսված դեղամիջոցների հետ համատեղելուց՝ հիպերվիտամինոզի ռիսկի և ակտիվ բաղադրիչների անհամատեղելիության պատճառով։

Թարգմանությունը՝ Lurer.com-ի