Թուրքիայի պաշտպանության նախարարը Հայաստանի վերաբերյալ հայտարարություն է արել

Թուրքիայի պաշտպանության նախարար Յաշար Գյուլերն անդրադարձել է Հայաստանի ու Ադրբեջանի միջև խաղաղության գործընթացին

Նա նշել է, թե Թուրքիան ողջունում է Ադրբեջանի ու Հայաստանի միջև մնայուն խաղաղության հաստատման ուղղությամբ վերջերս արված քայլերը ու հավելել՝ դա կարևոր հնարավորություն է Կովկասի տարածաշրջանում «անվտանգության, կայունության և բարօրության զարգացման համար»։

Թուրքիայի պաշտպանական գերատեսչության ղեկավարը նաև շեշտել է, որ Թուրքիան պատրաստ է հնարավորինս մեծ ներդրում ունենալ տարածաշրջանում «խաղաղության և անդորրի շարունակականության ապահովման գործում»։