ՖԻՖԱ-ն հրապարակել է «Տարվա լավագույն ֆուտբոլիստ»-ի թեկնածուների ցանկը

Ֆուտբոլային ասոցիացիաների միջազգային ֆեդերացիան (ՖԻՖԱ) հրապարակել է 2025 թվականի ՖԻՖԱ-ի տարվա լավագույն ֆուտբոլիստի մրցանակի թեկնածուների ցանկը: Ցանկը հրապարակել է կազմակերպության մամուլի ծառայությունը:

Թեկնածուների ցուցակում ընդգրկված էին 11 ֆուտբոլիստներ՝ Ուսման Դեմբելե, Աշրաֆ Հակիմի, Նունո Մենդեշ, Վիտինյա (բոլորը՝ Պարի Սեն-Ժերմենից, Ֆրանսիա), Հարի Քեյն («Բավարիա», Գերմանիա), Կիլիան Մբապե («Ռեալ», Իսպանիա), Քոուլ Պալմեր («Չելսի», Անգլիա), Պեդրի, Ռաֆինյա, Լամինե Յամալ (բոլորը՝ «Բարսելոնայից», Իսպանիա), Մոհամեդ Սալահ (Լիվերպուլ, Անգլիա):

Անցյալ տարի մրցանակը նվաճել էր «Ռեալ Մադրիդի» բրազիլացի հարձակվող Վինիսիուսը։