Շատ երկար էի սպասում Հայաստանի հավաքական հրավիրվելուն․ Արտյոմ Բանդիկյան

Մոսկվայի ԲԿՄԱ-ի կիսապաշտպան Արտյոմ Բանդիկյանը խոսել է Հայաստանի ազգային հավաքականից հրավեր ստանալու մասին, հայտնում է Metaratings-ը։

«Հայաստանի հավաքականում հանդես գալը ինձ համար մեծ պատիվ է, hպարտություն։ Շատ երկար էի սպասում Հայաստանի հավաքական հրավիրվելուն։

Զրուցել եմ գլխավոր մարզիչ Եղիշե Մելիքյանի հետ։ Ամեն ինչ չեմ պատմի, բայց նա ասաց, որ ինձ հրավիրել է, որպեսզի հարմարվեմ թիմին և ընկերանամ տղաների հետ։

Նախկինում էլ 2-3 օր եղել եմ հավաքականի ճամբարում։ Կփորձեմ հասկանալ այն սկզբունքները, որոնք ինձանից պահանջում են, ու անել ամեն ինչ՝ Հայաստանի հավաքականին օգտակար լինելու համար»,- ասել է 20-ամյա ֆուտբոլիստը։

Հայաստանի հավաքականն աշխարհի 2026թ. առաջնության եվրոպական գոտու ընտրական մրցաշարի F խմբում նոյեմբերի 13-ին Երևանում կմրցի Հունգարիայի թիմի հետ, իսկ Նոյեմբերի 16-ին կհյուրընկալվի Պորտուգալիայի ընտրանուն։