Սև ուրբաթի պարադոքսը․ գնորդների աճ, բայց նվազած ծախսեր

Այս տարվա «Սև ուրբաթը» ԱՄՆ-ում արձանագրում է հակասական պատկեր․ ըստ National Retail Federation-ի կանխատեսումների՝ խանութներում սպասվում են ռեկորդային այցելություններ, սակայն սպառողների ծախսելու պատրաստակամությունը նվազել է։ Գնաճը, աշխատաշուկայի թուլացումը և վստահության անկումը հանգեցրել են նրան, որ միջին գնումները նախատեսվում է նվազել մինչև 890 դոլար՝ անցած 902-ի փոխարեն։ Սա լուրջ մարտահրավեր է ստեղծում ոլորտի ընկերությունների համար, որոնք տոնական շրջանում ապահովում են տարեկան շահույթի մոտ մեկ երրորդը։

Տնտեսական ճնշումները ձևավորում են զգուշավոր գնումներ․ բարձր գների աճին նպաստել են նաև Donald Trump-ի ներդրած մաքսատուրքերը, որոնք, ըստ Tax Foundation-ի, retail գները բարձրացրել են շուրջ 4.9 տոկոսային կետով։ Սպառողների վստահությունը նոյեմբերին հասել է յոթամսյա նվազագույնի, ինչի պատճառով ընտանիքները հետաձգում են ավտոմեքենաների, բնակարանների և այլ խոշոր գնումների որոշումները։ Retail ընկերությունները շեշտը տեղափոխում են ավելի մատչելի ապրանքների վրա՝ փոքր աքսեսուարներ, դրամապանակներ ու անհատականացվող պայուսակներ։

Միևնույն ժամանակ գնորդները ավելի հաճախ դիմում են արհեստական բանականությանը։ Bank of America-ի տվյալներով՝ սպառողների կեսը, իսկ Gen Z երիտասարդների 71 տոկոսը պատրաստվում են օգտագործել ԱԲ՝ գների համեմատման, առաջարկների որոնման ու նվերների գաղափարների ստեղծման համար։ Առցանց առևտրի երկարացված ակցիաները նվազեցրել են «Սև ուրբաթի» ավանդական նշանակությունը․ ինչպես նշում է Santa Clara University Leavey School of Business-ի պրոֆեսոր Էնդի Ցայը, այս shopping-օրն արդեն «հնացած հասկացություն» է և վերածվել է ընդամենը վաճառքների ընդլայնված շրջանի մեկ կետի։