Ցած դրեք զենքերը կամ կմեռնեք. Թրամփը դիմել է Իրանի անվտանգության ուժերին

ԱՄՆ նախագահ Դոնալդ Թրամփը Իրանի անվտանգության ուժերին կոչ է արել վայր դնել զենքերը՝ հայտարարելով, որ հակառակ դեպքում նրանց մահ է սպառնում։ Նա տեսաուղերձը հրապարակել է իր TruthSocial սոցիալական ցանցում։

«Իսլամական հեղափոխության պահապանների կորպուսի, զինված ուժերի և ոստիկանության անդամներին ես ասում եմ՝ վայր դրեք զենքերը և ստացեք լիակատար անձեռնմխելիություն, հակառակ դեպքում կգնաք անխուսափելի մահվան», - զգուշացրել է նա։

Իր ուղերձում Թրամփը նաև հայտարարել է, որ ԱՄՆ-ն կոչնչացնի Իրանի հրթիռներն ու հրթիռային արդյունաբերությունը, ինչպես նաև երկրի նավատորմը։ Նա հավելել է, որ Իրանը շուտով կհասկանա, որ ոչ ոք չի կարող մարտահրավեր նետել Միացյալ Նահանգների հզորությանը։