Աբու Դաբիում հրթիռի բեկորների անկման հետևանքով զոհ է գրանցվել

Արաբական Միացյալ Էմիրությունների մայրաքաղաք Աբու Դաբիում մեկ մարդ է զոհվել՝ հրթիռի բեկորների բնակելի շենքի վրա ընկնելու հետևանքով։ Այդ մասին հայտնում են ԱՄԷ պետական աղբյուրները՝ փոխանցելով, որ միջադեպը տեղի է ունեցել ռազմական լարվածության ֆոնին։

Ավելի վաղ Աբու Դաբիում արձանագրվել էին պայթյուններ՝ Իսրայելի և ԱՄՆ-ի կողմից Իրանի դեմ իրականացվող հարվածների ֆոնին։ Տարածվող տեղեկություններով՝ իրանական բալիստիկ հրթիռները խոցել են նաև Ալ-Դհաֆրա ավիաբազան, որտեղ տեղակայված է ամերիկյան ռազմական ստորաբաժանում։

Տարածաշրջանում իրավիճակը շարունակում է մնալ լարված, իսկ կողմերը փոխադարձ հայտարարություններով ընդգծում են, որ պատրաստ են շարունակել ռազմական գործողությունները։