Ջեյմս Բլանթը ստացել է «Icon» մրցանակն ու իրեն համացանցային մեմ անվանել
Բլոգոսֆերա
Նոյեմբերի 19-ի երեկոյան Լոնդոնի «Roundhouse» համերգասրահում Ջեյմս Բլանթին հանձնվել է «Rolling Stone UK»-ի «Icon» մրցանակը։ «You’re Beautiful» երգով հայտնի բրիտանացի երաժիշտը բեմ է բարձրացել ու կատակով վիճարկել հենց մրցանակի անունը․ իր աչքում ինքն այսօր ավելի շուտ համացանցային մեմ է, քան երաժշտական կուռք։
Բլանթը հիշել է, որ երիտասարդ տարիներին երազում էր ռոք աստղ դառնալ ու հայտնվել «Rolling Stone»-ի էջերում։ Ապա մի քանի բառով պատմել է, թե ինչպես է փոխվել իր հանրային կերպարը՝ մեկ հիթով հայտնի երգչից մինչև սոցցանցերի կատակասեր, իսկ վերջերս էլ՝ հեռուստախաղի երկրորդ տեղի համար դեռ նեղացած մասնակից։
Կատակը հատկապես տեղին էր․ մրցանակը Բլանթին հանձնել է դերասան Բաշ Քրոֆթը, որի հետ նա մասնակցել է «The Celebrity Traitors» հեռուստախաղին։ Երեկոյի վերջին մրցանակն ընդունելով՝ Բլանթը երիտասարդ գործընկերներին էլ մի խորհուրդ է տվել․ բավական երկար մնացեք ասպարեզում, և մի օր ձեզ էլ մրցանակ կհասնի։


















































Ամենադիտված
Ծովագյուղի Վահրամն ու ՔՊ-ն՝ ընդդեմ Սևանի քաղաքապետի. ընտրությունների գլխավոր ինտրիգը