Երևանն ու Մոսկվան կենսանվտանգության խնդիրների նկատմամբ ընդհանուր մոտեցումներ ունեն. ՌԴ ԱԳՆ
Արտաքին Քաղաքական
Հայաստանը ու Ռուսաստանը Մոսկվայում կայացած խորհրդակցություններում միջգերատեսչական ձևաչափով հաստատել են կենսաբանական անվտանգության խնդիրների նկատմամբ մոտեցումների ընդհանրությունը: Այս մասին ասվում է ՌԴ ԱԳՆ տարածած հաղորդագրության մեջ։
«Միջոցառումը հաստատել է Ռուսաստանի և Հայաստանի մոտեցումների ընդհանրությունը կենսաբանական անվտանգության խնդիրների շուրջ։ Ընդգծվել է ինչպես երկկողմ ձևաչափով, այնպես էլ պրոֆիլային բազմակողմ հարթակներում հետագա սերտ համակարգման և կառուցողական փոխգործակցության անհրաժեշտությունը»,–ասված է հաղորդագրության մեջ։
Կողմերը նաև կարծիքներ են փոխանակել ԱՊՀ տարածքում կենսաբանական անվտանգության սպառնալիքների վերաբերյալ:
Քննարկվել է կենսաբանական անվտանգության վերաբերյալ երկկողմ հուշագրի կատարման ընթացքը, ներառյալ հետագա համագործակցության կոնկրետ ուղղությունները։
Քննարկվել են այդ հուշագրի դրույթների օպտիմալացման և իրականացման արդյունավետության բարձրացման հարցերը՝ համապատասխան խորհրդատվական մեխանիզմի ձևավորման միջոցով։
ՈՒՂԻՂ ԵԹԵՐ
Ամենադիտված 
Ադրբեջանից գնացքով եկող ապրանքները հայտարարագրվելու են հենց Ադրբեջանում, իսկ Հայաստան մուտք գործելիս չեն կանգնելու և չեն զննվելու․ Դավիթ Սարգսյան 
