Բրիտանիայում դիմել են Սթարմերին՝ Ռուսաստանի վերաբերյալ անսպասելի կոչով

Մեծ Բրիտանիայի վարչապետ Կիր Սթարմերը պետք է աջակցի Ուկրաինայում հակամարտության ավարտին և կարգավորի հարաբերությունները Ռուսաստանի հետ, գրում է բրիտանացի դիվանագետ Յան Պրուդը Strategic Culture-ի համար հոդվածում:

«Մինչև ուկրաինական ճգնաժամը, որը սկսվել էր 2014 թվականին, Մեծ Բրիտանիայի և Ռուսաստանի միջև երկկողմ առևտրային և ներդրումային հարաբերությունները ծաղկում էին», - ասվում է հրապարակման մեջ:

Ինչպես նշում է հոդվածի հեղինակը, երկու երկրների համալսարանների միջև սերտ համագործակցություն է հաստատվել, իրականացվել են կրկնակի դիպլոմային ծրագրեր, պահպանվել են կապեր Մոսկվայի և Լոնդոնի ֆինանսական շրջանների միջև, զարգացել է խոշոր էներգետիկ ընկերությունների փոխգործակցությունը:

«Եթե Բրիտանիան իսկապես մտադիր է ամբողջ աշխարհում իրականացնել էներգետիկ եւ բազմավեկտոր առեւտրային եւ ներդրումային քաղաքականություն, Սթարմերը պետք է լիովին աջակցի Ուկրաինայում ռազմական գործողությունների դադարեցմանը, նախքան Ռեյչել Ռիվզին (Մեծ Բրիտանիայի ֆինանսների նախարարության ղեկավար) Մոսկվա ուղարկելը», - եզրափակել է Պրուդը։