Զինված հարձակում ՎՏԲ բանկի վրա. թարմացված

Թարմացված՝ 17:42 

Ըստ Ոստիկանության նախնական տվյալների, հարձակվողները եղել են երկու հոգով, դիմակավորված և ատրճանակներով զինված։

Մեր ունեցած տեղեկություններով՝ նրանք բանկից մոտ 7-8 միլիոն դրամ են հափշտակել։

Տուժածներ չկան։

Այսօր՝ ժամը 16.00-ին, Ոստիկանությունում ահազանգ է ստացվել, որ «ՎՏԲ–Հայաստան» բանկի Բաղրամյան 56 հասցեում գտնվող մասնաճյուղի վրա զինված հարձակում է տեղի ունեցել։ Այս մասին ԼՈւՐԵՐ.com-ին տեղեկացրին ՀՀ ոստիկանության ԶԼՄ-ների հետ կապի, վերլուծության և լրատվության բաժնից: 

Ոստիկանության օպերատիվ խումբը տեղում է, կատարում են համապատասխան գործողություններ: 

Նշենք, որ սա առաջին դեպքը չէ, երբ հարձակում է կատարվում ՎՏԲ բանկի վրա. դեռևս 2016 թ. դեկտեմբերի 16-ին՝ 04:30-ին ևս Բաղրամյան փողոցում տեղակայված ՎՏԲ-Հայաստան բանկի բանկոմատի կողոպտման փորձ էր կատարվել: Սակայն հանցագործներին չէր հաջողվել կողոպուտն իրականացնել:

Սոնա Հարությունյան