Մաղթանք իմ կնոջից կուզեի լսել, որը չկա. Տիգրան Մանսուրյան
Գիտություն և Մշակույթ
Այսօր՝ հունվարի 25-ին, կոմպոզիտոր Տիգրան Մանսուրյանը, մամուլի ասուլիսի ժամանակ պատասխանելով այն հարցին, թե ամենացանկալի մաղթանքը ումից կուզեր լսեր իր հոբելյանի առթիվ, ասաց.
«Ներողություն պետք է խնդրեմ, սենտիմենտալ կարող է հնչել. մաղթանք իմ կնոջից կուզեի լսել, որը չկա»:
Հարցին՝ եթե հետ հայացք գցեր իր անցած ուղուն, ինչի՞ համար երբեք չէր ափսոսա, և շա՞տ են եղելությունները, որոնց համար ափսոսալու տեղ է ունեցել, Մանսուրյանը պատասախանեց.
«Ես երիտասարդ տարիներին աշխատել եմ, բայց շատ ավելի պետք է աշխատեի, շատ ավելի արդյունք պետք է ունենայի: Ճիշտն ասեմ, այն տարիներին ես չէի հավատում, որ կարող եմ լիովին իրականանալ, որովհետև սովետական համակարգը կար, որի ներսում ես ինձ չէի զգում հարազատ և ես չեմ կարող ասել, որ ինձ նեղացրել են կամ ես ինձ խորթ եմ զգացել: Ես աշխատել եմ ոչ այնքան ինտեսնիվ, որքան՝ երբ սովետը վերջացավ: Ցավում եմ այդ ժամանակի համար, որ կարծում էի, թե այդ համակարգն անվերջ է: Ես երկու իրականությունների միջով եմ անցել՝ սովետական և հետսովետական»:
Նշենք, որ անվանի կոմպոզիտորը հունվարի 27-ին տոնելու է իր 80-ամյա հոբելյանը:
Ամենադիտված 
Ուժգին երկրաշարժ է տեղի ունեցել Թուրքիայում. քաղաքացիները խուճապահար դուրս են վազել փողոց
