«Հայաստանն իրեն զրկել է կարևոր տարանցիկ երկիր դառնալու հնարավորությունից»․ Ալիև

«Էներգետիկ անվտանգություն, տրանսպորտ, ներդրումներ, տնտեսական օգուտներ․ Հայաստանն, «ագրեսիայի» արդյունքում, իրեն փաստացիորեն զրկել է այս ամենից, ինքն իրեն զրկել է ադրբեջանական էներգետիկ ռեսուրսների և տրանսպորտային ուղիների համար կարևոր տարանցիկ երկիր դառնալու հնարավորությունից»։ Այս մասին Ադրբեջանի նախագահ Իլհամ Ալիևը հայտարարել է «Դեպի նոր աշխարհակարգ» թեմայով ֆորումի ժամանակ։

Շեշտելով, որ Ադրբեջանը բազմաթիվ երկրների հետ ռազմավարական գործընկերության հռչակագրեր ունի՝ Իլհամ Ալիևն ասել է, թե սա հնարավորություն է տալիս Բաքվին՝ կարևոր տնտեսական և տրանսպորտային կամուրջ լինեն Կենտրոնական Ասիայի տարածաշրջանի և Եվրոպայի միջև։