«Ո՞ւմ է պատկանում Ղրիմը». «Միսս Ուկրաինա» մրցույթի հաղթողի արտասովոր պատասխանը (տեսանյութ)
Տեսանյութեր
«Միսս Ուկրաինա-2019» գեղեցկության մրցույթի հաղթող Մարգարիտա Պաշան արտասովոր պատասխան է տվել Ղրիմի պատկանելիության մասին հարցին, գրում է Strana.ua-ն:
«Ես կարծում եմ, որ Ղրիմը բոլորինն է: Երկիր մոլորակի ամբողջ տարածքը, ամբողջ մոլորակը պատկանում է մեզ բոլորիս»,- հայտարարել է Պաշան:
Նա նաև պատմել է, որ իր քույրն ապրում է Թեոդոսիայում, և ինքը մանուկ հասակում հաճախ է հանգիստն անցկացրել թերակղզում:
Որոշ ժամանակ առաջ Պաշան սկանդալի կենտրոնում էր հայտնվել, երբ հրաժարվել էր ուկրաիներենով հարցազրույց տալ հաղորդումներից մեկին: Միևնույն ժամանակ, նա նշել էր, որ սիրում է իր երկիրը:
Դեկտեմբերին Մարգարիտա Պաշան կմեկնի Լոնդոն, որտեղ Ուկրաինան կներկայացնի «Միսս աշխարհ» գեղեցկության մրցույթում:
Ամենադիտված 
Մնաս բարյավ. Րաֆֆի Հովհաննիսյան
