Մեդվեդևը հայտարարել է, որ Թրամփն ի զորու է վերջ դնելու Ուկրաինայի հակամարտությունը

ՌԴ Անվտանգության խորհրդի փոխնախագահ Դմիտրի Մեդվեդևը ենթադրում է, որ ԱՄՆ նորընտիր նախագահ Դոնալդ Թրամփն ի զորու է վերջ դնելու Ուկրաինայի հակամարտությանը։ Նա ԱՄՆ նոր նախագահին անվանել է «պրագմատիկ անձնավորություն»՝ նշելով, որ Վաշինգտոնն ունի բոլոր գործիքները ռազմական գործողությունները դադարեցնելու համար, գրում է «Коммерсантъ»-ը՝ վկայակոչելով Al Arabiya հեռուստաալիքին տված Մեդվեդևի հարցազրույցը, որը մեդիայի կայքում հեռարձակվել է արաբերեն։

Ռուսաստանի Անվտանգության խորհրդի փոխնախագահը Al Arabiya հեռուստաալիքին տված հարցազրույցում ասել է, որ ԱՄՆ ներկայիս նախագահ Ջո Բայդենը «ծանր ժառանգություն» է թողնում Թրամփին ուկրաինական ճգնաժամի տեսքով։ Միևնույն ժամանակ, ըստ Մեդվեդևի, Մոսկվան հույսը չի դնում «ոչ Թրամփի, ոչ էլ հատուկ գործողության մեջ նոերգրավված որևէ մասնակցի վրա»։

«Մենք ապավինում ենք միայն մեր ուժերին և մեր պաշտպանունակությանը, և հաղթելու ենք Ուկրաինայի հակամարտությունում»,-հայտարարել է Մեդվեդևը։

Միևնույն ժամանակ, «Կոմերսանտ»-ը նշում է, որ Մեդվեդևը ԱՄՆ ընտրությունների նախօրեին հայտարարել էր, որ Դոնալդ Թրամփը չի կարողանա դադարեցնել ռազմական գործողությունները «ոչ մեկ օրում, ոչ երեք օրում, ոչ երեք ամսում»: Նրա կարծիքով, եթե հանրապետականը փորձի դադարեցնել ռազմական գործողությունները, նա կարող է դառնալ նոր Ջոն Քենեդին։ Նոյեմբերի 6-ին, ընտրություններում պարոն Թրամփի ղեկավարության մասին լուրերից հետո, Դմիտրի Մեդվեդևը նշել է, որ ամերիկացի քաղաքական գործիչը «չի սիրում փող ծախսել զանազան պնակալեզների և ձրիակերների վրա»՝ դա Մոսկվայի համար օգտակար հատկություն անվանելով։

Աղբյուր` news.am