Ոստիկանությունը մայրաքաղաքի կենտրոնում ուժեղացված ծառայություն է իրականացրել
Հասարակություն![Ոստիկանությունը մայրաքաղաքի կենտրոնում ուժեղացված ծառայություն է իրականացրել](/timthumb.php?src=disc/13-07-24/19e50fa3abcc63112ca5dfe442427cc4.jpg&w=780)
Հուլիսի 11-ի երեկոյան, մինչ կեսգիշեր, Երևանի կենտրոնում` ոստիկանության Կենտրոնական բաժնի սպասարկման տարածքում, իրականացվեց ուժեղացված ծառայություն: Միջոցառմանը ներգրավված էր 170 ոստիկան, կազմվել էր շարժական 35 խումբ:
Ուժեղացված ծառայության ընթացքում ստուգվել է 350 տրանսպորտային միջոց, տարբեր իրավախախտումների և պարզաբանումների համար բաժին է տեղափոխվել 26 անձ:
Արձանագրվել է թմրամիջոցի հայտնաբերման 7 դեպք, հայտնաբերվել է գողության մեղադրանքով մեկ հետախուզվող, 5 սառը զենք և երկու գազային ատրճանակ: Մեկ անձի մոտ հայտնաբերվել է վարորդական իրավունքի կեղծ վկայական:
Նման ուժեղացված ծառայություններ կազմակերպվում են պարբերաբար:
![](banners/armflix.jpg)