Ֆրանսիայում տեղադրվել է Աթաթուրքի կիսանդրին

Հոկտեմբերի 29-ին Էպինե սյուր Սեն քաղաքում տեղադրվել է Մուստաֆա Քեմալ Աթաթուրքի կիսանդրին:

Տելեգրամյան ալիքների հաղորդմամբ՝ կիսանդրու տեղադրման գործում մեծ դեր է խաղացել Փարիզի Տրապիզոնի ասոցիացիան։ Բացման արարողությունից առաջ Տրապիզոնի տունն ամբողջությամբ զարդարված է եղել թուրքական դրոշներով և Աթաթուրքի պաստառներով։

Աթաթուրքի կիսանդրու վրա նրա խոսքերից մեկն է՝ «Խաղաղություն երկրում, խաղաղություն աշխարհում»։

Հիշեցնենք, որ Մուստաֆա Քեմալ Աթաթուրքը Թուրքիայի Հանրապետության հիմնադիրն է և նրա առաջին նախագահը 1923-1938 թթ.։