ԼՂ-ից բռնահանվածների բնակապահովման ծրագրի իրազեկման աշխատանքները Վայոց ձորի մարզում շարունակվում են

Վայոց ձորի մարզում շարունակվում են ՀՀ Կառավարության՝ Լեռնային Ղարաբաղից բռնի տեղահանված անձանց բնակապահովման ծրագրի իրազեկման աշխատանքները։

Ինչպես հայտնում են ՀՀ Վայոց ձորի մարզպետի աշխատակազմից, հերթական հանդիպումը Արենի համայնքում էր։

ՀՀ Վայոց ձորի մարզպետի տեղակալ Արսեն Խաչատրյանը և Արենի համայնքի ղեկավարի առաջին տեղակալ Մհեր Ասատրյանը մեր հայրենակիցներին ներկայացրին ծրագրին դիմելու ընթացակարգը, ժամկետները, փուլերը, գործող առցանց հարթակը՝ https://housing.socservice.am/։

Ըստ այդմ, ծրագրի շրջանակում դիմումներն ընդունվում են առցանց եղանակով՝

1. հունիսի 15-ից՝ բնակարանի կամ անհատական բնակելի տան ձեռքբերման հավաստագրի տրամադրման համար.

2. հուլիսի 15-ից՝ անհատական բնակելի տան կառուցման հավաստագրի տրամադրման համար.

3. օգոստոսի 1-ից՝ գործող հիփոթեքային վարկի մարման աջակցության հավաստագրի տրամադրման համար։

Հանդիպման ժամանակ Լեռնային Ղարաբաղից բռնի տեղահանված ընտանիքների բնակարանային ապահովման պետական աջակցության ծրագրի շահառուներին ներկայացվեց նաև համայնքի ենթակառուցվածքների և զբաղվածության հնարավորությունների մասին տեղեկատվություն։

Այնուհետև պատկան մարմինների ներկայացուցիչները պատասխանեցին Լեռնային Ղարաբաղից բռնի տեղահանված անձանց հարցերին, որոնք առնչվում էին հիմնականում բնակապահովման ծրագրին, փաստաթղթերի կարգավորման, առողջապահական, սոցիալական ոլորտներին, ինչպես նաև աջակցության տարբեր ծրագրերում ընդգրկվելու պայմաններին։

Այս թեմայով Ոստիկանին սպանած անձը փախել է. նրան փնտրում են. ոստիկանության ղեկավար կազմը Արմավիրում է. ուժեղացված ծառայություն՝ մարզում Կրակոցներ՝ Արմավիրի մարզում. կա զոհ և վիրավորներ, այդ թվում՝ ոստիկաններ. ՆԳՆ մամուլի քարտուղար Տավուշի մարզում խոշոր ավտովթար է տեղի ունեցել․ վիրավոր կա Անահիտ Ավանեսյանը Գեղարքունիքի մարզում է․ քննարկում են քաղցկեղի վաղ հայտնաբերման ծրագրերը Արմավիրի մարզում Արևմտյան Նեղոսի տենդից 3 մարդ է մահացել․ «Հետք» BRICS-ին Թուրքիայի միանալու վերաբերյալ քննարկումները շարունակվում են. ԶԼՄ «Ամեն ինչում վատն եք տեսնում». Երևանի փոխքաղաքապետն իր հոր հիմնադրած ընկերության և իրականացվող բիզնես-ծրագրի մասին. «Փաստ» ՈւՂԻՂ. Հրայր Թովմասյանի գործով դատական նիստը շարունակվում է Armenian Code Academy-ն (ACA) և Yandex Armenia-ն Engineering Deep Dive անվճար ծրագրի համար հավաքագրում են նոր back-end ծրագրավորողների Տավուշի մարզում 19-ամյա զինծառայողի են դանակահարել. shamshyan.com