Դատախազությունը կադաստրային քարտեզների վերաբերյալ գրություն ստանալ-չստանալու հարցը համարում է գաղտնի

Azatutyun.am. Գլխավոր դատախազությունը հրաժարվում է հայտնել՝ Կիրանցում սեփականության վկայականների տրամադրման հիմք դարձած կադաստրային քարտեզների անճշտությունները պարզելու նպատակով կառավարությունից գրություն ստացե՞լ է։

Որ իրավունքների պետական գրանցումները Կիրանցում կատարվել են «ոչ ճշգրիտ տվյալների» հիման վրա, պնդել էր Արդարադատության նախարարությունը՝ այդպես բացատրելով, թե ինչպես է ստացվել, որ Ադրբեջանին անցած որոշ տարածքների նկատմամբ մարդիկ սեփականության իրավունք ունեն։

Վարչապետի աշխատակազմի ղեկավարն էր մոտ 1.5 ամիս առաջ խորհրդարանում հայտարարել, որ կառավարությունը գրություն է ուղարկել դատախազություն՝ եղելությունը պարզելու համար։

«Եթե չեմ սխալվում, համապատասխան գրությունով կարծեմ դատախազությանն ուղարկվել է, որպեսզի պարզեն եղելությունն էդ քարտեզների հետ կապված», - ասել է վարչապետի աշխատակազմի ղեկավար Արայիկ Հարությունյանը:

Դատախազությունը կառավարությունից գրություն ստանալ-չստանալու հարցը համարել է գաղտնիք և մերժել տեղեկատվության տրամադրումը, այն դեպքում, երբ մեկ ամիս առաջ նույն հարցին պատասխանելիս գաղտնիքի մասին ոչինչ չէին նշել։ Ընդ որում՝ այն ժամանակ ասել էին, թե կադաստրային քարտեզների անճշտությունները պարզելու հարցով կառավարությունից որևէ գրություն չեն ստացել:

Եթե հարցը գաղտնիք է պարունակում, նշանակո՞ւմ է արդյոք, որ վարչապետի աշխատակազմի ղեկավար Արայիկ Հարությունյանը հունիսի 3-ին խորհրդարանում նման հայտարարություն անելով օրենք է խախտել: Պատասխանը ստանալու համար դիմել ենք դատախազություն:

Այն, որ սահմանազատված Կիրանցում սեփականության վկայականների անճշտություններով իրավապահներն են զբաղվելու, նաև Կադաստրի կոմիտեի ղեկավարն է վստահեցրել:

Ավելին՝ սկզբնաղբյուրում։ 

Այս թեմայով ԱՄՆ-ն առաջիկա օրերին առաջարկներ կներկայացնի Գազայի հատվածում հրադադարի հասնելու վերաբերյալ. ԿՀՎ տնօրեն Փուչիկը շատ արագ պայթեց. Զանգեզուրի միջանցքի հարցը ոչ թե փակվել է, այլ ընդամենը չի ներառվելու «խաղաղության պայմանագրում». Աշոտյան Ցեղասպանագետների միջազգային ընկերակցությունը բանաձև է ընդունել Լեռնային Ղարաբաղի վերաբերյալ Ադրբեջանը ցանկանում է վերահսկողություն ստանալ Հայաստանի անվտանգության նկատմամբ. Տիգրան Աբրահամյան (տեսանյութ) Արցախի հարցը փակված են համարում մե՛կ Ալիևը, մե՛կ էլ Նիկոլ Փաշինյանն ու ՔՊ-ն. «Փաստ» ԱԺ-ում քննարկել է ԱՊՀ շրջանակում կնքված բազմակողմ պայմանագրերի դադարեցմանը վերաբերող համաձայնագրի վավերացման հարցը BRICS-ին Թուրքիայի միանալու վերաբերյալ քննարկումները շարունակվում են. ԶԼՄ ՄԻՊ-ը մասնակցել է թմրաշրջանառության ծավալների աճի դեմ իրականացվող քայլերի վերաբերյալ քննարկմանը Արցախի հարցը բնավ փակված չէ․ Վրթանես եպիսկոպոս Աբրահամյան Telegram-ում և Tiktok-ում քաղաքացիներին առաջարկում են գումարի դիմաց վարորդական վկայական ստանալ. ոստիկանությունը հորդորում է խուսափել խարդախության զոհ դառնալուց