ՔՊ-ական Սերգեյ Բագրատյանի կնոջ հիմնադրած ՍՊԸ-ն ընդլայնել է ավազի ապօրինի արդյունահանման բիզնեսը. «Հետք»

Քննչական կոմիտեում քննվող քրեական վարույթի պայմաններում ԱԺ «Քաղաքացիական պայմանագիր» խմբակցության պատգամավոր Սերգեյ Բագրատյանի հետ կապված ընկերությունն ընդլայնել է ավազի ապօրինի արդյունահանման բիզնեսը, գրում է «Հետք»-ը:

Արարատի մարզի Ռանչպար գյուղում գտնվող 64 հա հողատարածքի մի մասում ավազի ապօրինի արդյունահանման մասին «Հետք»-ը գրել էր 2023 թ․-ի նոյեմբերին։ Այդ հրապարակումից առաջ Քննչական կոմիտեում արդեն իսկ նախաձեռնվել էր քրեական վարույթ՝ ապօրինի ձեռնարկատիրության, հողը փչացնելու, ընդերքի պահպանման և օգտագործման կանոնները խախտելու և ավազակոպճային խառնուրդի արդյունահանման ու իրացման հետևանքով պետությանն առանձնապես խոշոր չափի վնաս պատճառելու փաստերի առթիվ։

Արգիշտի Քյարամյանի ղեկավարած Քննչական կոմիտեում քննվող քրեական վարույթը որևէ կերպ չի կաշկանդել պատգամավորի հետ կապված «Արարակ» ՍՊԸ-ին ընդլայնել ավազի ապօրինի արդյունահանման բիզնեսը։ 2024 թ.-ի հուլիսին «Հետք»-ն արձանագրել է, որ վարձակալված տարածքում ավազի արդյունահանման նոր տեղամաս է բացվել։ Նախկին և նոր բացված տեղամասերից ամեն օր հարյուրից ավելի բեռնատարներով ավազ է ապօրինի արդյունահանվում։ Հանքավայրը շահագործելու մասին մինչ օրս որևէ թույլտվություն չի տրվել, պետական սեփականություն հանդիսացող ընդերքը պատգամավորի հետ կապված անձինք ապօրինի արդյունահանում են անխոչընդոտ։

«Արարակ» ՍՊԸ-ն 2022 թ.-ին հիմնադրել է Սերգեյ Բագրատյանի կինը՝ Նաիրա Հակոբյանը, որին էլ պատկանել են ՍՊԸ-ի բաժնեմասերը։ Ավազի ապօրինի արդյունահանման մասին «Հետք»-ի հրապարակումից հետո, պատգամավորի կինը բաժնեմասը փոխանցել է Սերգեյ Բագրատյանի հետ կապված մեկ այլ անձի՝ Վրեժ Եղոյանին։ Վերջինս Բագրատյանի բիզնես գործընկերն է։

Այս թեմայով Ինքնակամ հանձնեք ապօրինի զենք-զինամթերքը. հակառակ դեպքում քրպատասխանատվությունն անխուսափելի է. ՆԳՆ Սերգեյ Սմբատյանը կբացի Մալթայի ֆիլհարմոնիկ նվագախմբի 2024-2025 թվականների համերգաշրջանը «Սան Մարկո» լողավազանում ԱԱԾ աշխատակիցներ ներկայացած անձինք կնոջ են առևանգել. ՔԿ-ն մանրամասներ է հայտնում Բերդի նախկին ղեկավարը, կինը, որդին հրավիրվել են ապօրինի գույքի բռնագանձման գործով վարչություն․ Հետք Մանասյանն արձագանքում է Փաշինյանի կնոջ հետ նույն սեղանի շուրջ դատախազի նստելուն (տեսանյութ) Ապօրինի խորքային հորի շահագործումը կասեցվել է Արմավիրի մարզում Արևմտյան Նեղոսի տենդից 3 մարդ է մահացել․ «Հետք» «Խաղաղության պայմանագրի» առանցքային մասը համաձայնեցված է, գնդակը հիմա Ադրբեջանի դաշտում է. ՔՊ-ական պատգամավոր 50 մլն դրամ կբռնագանձվի ՊԵԿ նախկին պաշտոնյայից ապօրինի գույքի գործով Փաշինյանի կառավարության միլիարդանոց «նվերը» նախկին պաշտոնյայի որդուն. «Հետք»