«Գյուղացին, տեսնելով՝ հնար չկա, ձեռքը տարել ու երեխայի գլուխը շան բերանից է հանել»․ վարչական ղեկավար

Տեղեկացրել ենք, որ երեկ Շիրակի մարզի Ախուրյան խոշորացված համայնքի Ոսկեհասկ գյուղում շունը գզել էր 5 հոգու, որոնք տարբեր վնասվածքներով տեղափոխվել էին Գյումրի բժշկական կենտրոն։ Ամենածանրը 5-ամյա երեխայի վիճակն էր, որին Գյումրի ԲԿ-ից տեղափոխել էին մայրաքաղաք` «Ուիգմոր կանանց և երեխաների հիվանդանոց»։

Ոսկեհասկի վարչական ղեկավար Մուշեղ Սահակյանը Aravot.am-ի հետ զրույցում որոշակի մանրամասներ ներկայացրեց տեղի ունեցածից։ Նա պատմեց, որ երեխան մոր հետ գնացել է բարեկամի տուն, անցել են առվակի մոտով, որը բավական ամայի տարածք է․ մեքենաների շարժ չկա, հիմնականում անասուն պահողներ են այնտեղ լինում։ Շունը, ըստ վարչական ղեկավարի, հասել է նրանց վրա, վնասել թե՛ մորը, թե՛ երեխային․ բերանի մեջ է վերցրել 5 տարեկան տղայի գլուխը, համագյուղացիներն էլ, տեսնելով, հասել են օգնության։ Շունը նրանց ևս կծել է։

«Չգիտենք այդ շունը որտեղի՞ց է հայտնվել առվակի մոտ, չգիտենք՝ տեր ունի՞, չունի՞, երևի սոված է եղել, հասել ու կծել է։ Շունը երեխայի գլուխը բերանն է վերցրել։ Մեր համագյուղացին եղանով է փորձել վախեցնել շանը, որպեսզի փրկի երեխային, տեսել է՝ հնար չկա․ շունը բաց չի թողնում նրան, ձեռքերը տարել է շան բերանի մեջ ու մի կերպ ազատել երեխային։ Շունը կծել էր նաև նրա ձեռքերը։ Շատ մտահոգ էի երեխայի համար, քիչ առաջ խոսել եմ մոր հետ, ասաց՝ վիրահատությունը բարեհաջող է անցել, երեխայի ծնոտն էր ջարդել, քիթը վնասել։ Ամեն ինչով համայնքը պատրաստ է օգնելու, կանգնած է կողքերը, միայն թե առողջանան», -ասաց վարչական ղեկավարը։
Առավել մանրամասն՝ սկզբնաղբյուր կայքում։

Այս թեմայով Կենտրոն վարչական շրջանի որոշ հասցեներում 8 ժամ ջուր չի լինի «Խի՞ շատ չեն հավը, խոզը, կովը», «Սրտի օպերացիա եմ տարել, հազիվ եմ հասցնում»․ Փաշինյանը Հերհերում է (տեսանյութ) Սրանց իշխանազրկելու բանալի մեթոդը նույնն է, ինչ տոտալիտար աղանդի ճանկերից փորձես հանել հարազատիդ. Վլադիմիր Մարտիրոսյան Գազանջատումներ՝ Նոր Նորքի որոշ հասցեներում 3 ամսական երեխայի ու նրա 10-ամյա քրոջ մահվան պատճառ դարձած վթարի գործով նախաքննություն է կատարվում ԵՊՀ ներկայիս ղեկավար կազմը ձևավորվել է հայտնի «տրոյկայի» ջանքերով, նրա՛նց ենք մոռանում. Մելիքյան Հրազենային վնասվածքով 10 տարեկան երեխայի են տեղափոխել Գավառի հիվանդանոց Ութ տարեկան երեխայի ոտքը արգելափակվել է մետաղյա նստարանի ճաղերի արանքում․ Փրկարարները հասել են օգնության Պատմության խեղաթյուրումից պետք է խուսափել. Կապանում գլխավոր ՌԴ հյուպատոսություն բացելու ղեկավար Արցախի նախկին նախագահ Սամվել Շահրամանյանի մեքենան Կառավարությունը պատրաստվում է աճուրդի հանել․ մեքենան կռվախնձոր՝ քննչիների ձեռքին․ փաստաբան Ռոման Երիցյանն ահազանգում է