Հնդկաստանի դեսպանը ծանոթացել է Հայոց ցեղասպանությունը վերապրած կանանց պատմություններին
Հրապարակումներ![Հնդկաստանի դեսպանը ծանոթացել է Հայոց ցեղասպանությունը վերապրած կանանց պատմություններին](/timthumb.php?src=disc/17-07-24/fa66e13f99aaf5a89760531a7bce6210.jpg&w=780)
Հուլիսի 16-ին, ՀՑԹԻ տնօրեն Էդիտա Գզոյանի հրավերով ՀՀ-ում Հնդկաստանի արտակարգ և լիազոր դեսպան Նիլակշի Սահա Սինհան հյուրընկալվել էր Հայոց ցեղասպանության թանգարան-ինստիտուտում: Էդիտա Գզոյանը տիկին դեսպանին ուղեկցեց Հայոց ցեղասպանության թանգարանի ժամանակավոր ցուցադրությունների սրահ և ներկայացրեց «Հայ կինը՝ ցեղասպանության զոհ և հերոս» խորագրով ժամանակավոր ցուցադրությունը:
Ցուցադրության միջոցով դեսպանը ծանոթացավ Արևմտյան Հայաստանի և Օսմանյան կայսրության այլ հայաբնակ շրջանների հայ կանանց կենցաղին, ձեռքի գեղեցիկ աշխատանքներին, օգտագործած զարդեղենին, տարբեր շրջանների տարազներին, այնուհետև կանանց անհատական պատմությունների միջոցով դեսպան Նիլակշի Սահա Սինհային ներկայացվեց Հայոց ցեղասպանության ժամանակ հայ կանանց նկատմամբ կիրառված բռնությունները և փորձություններին դիմագրավելու վերջիններիս կամքն ու հանձնառությունը:
Տիկին դեսպանը ցավով նշեց, որ այն ինչ ներկայացված է թանգարանում զուտ պատմական իրողություններ չեն և նմանատիպ հանցագործություններ տեղի են ունենում նաև այժմ աշխարհի տարբեր անկյուններում: Շրջայցից հետո ՀՀ-ում Հնդկաստանի արտակարգ և լիազոր դեսպան Նիլակշի Սահա Սինհան և ՀՑԹԻ տնօրեն Էդիտա Գզոյանը նաև առանձնազրույց ունեցան և քննարկեցին ապագայում համագործակցության հնարավորությունները:
![](banners/armflix.jpg)