Հայ-ճապոնական հարաբերություններին նվիրված ցուցադրություն են կազմակերպել Ազգային արխիվում

Արդարադատության նախարարության գլխավոր քարտուղար Սիրվարդ Գևորգյանը ներկա է եղել Հայաստանի ազգային արխիվում կազմակերպած ցուցադրությանը՝ նվիրված հայ-ճապոնական հարաբերությունների պատմությանը։ Ցուցադրությունը կազմակերպվել է Հայաստանի ազգային արխիվի և «Արումենիա-Նիպոն» հայ-ճապոնական գիտամշակութային միության հետ համատեղ։ Այդ մասին հայտնում են ՀՀ արդարադատության նախարարությունից:

Ազգային արխիվի տնօրեն Արթուր Ստեփանյանն ընդգծել է, որ միջոցառման անցկացման նպատակը հայ-ճապոնական հարաբերությունների վերհանումն է, որով սկիզբ է դրվում հայ-ճապոնական նոր երկկողմ հարաբերությունների հետագա խորացմանն ու զարգացմանը։

Հայաստանում Ճապոնիայի արտակարգ և լիազոր դեսպան Ն․Գ․ Աոկի Յուտական, ողջունելով ներկաներին, նշել է, որ ցուցադրված փաստաթղթերը, կինոֆոտո փաստաթղթերը և Հայաստանում հրատարակված մի շարք արժեքավոր գրքերը վկայում են հայ-ճապոնական սերտ փոխհարաբերությունների մասին։ Ցուցադրությանը ներկայացվել են Հայաստանի ազգային արխիվում պահպանվող արխիվային փաստաթղթեր, որոնք վերաբերում են հայ-ճապոնական դիվանագիտական հարաբերությունների հաստատմանը, գիտական և մշակութային կապերին, Հայկական հարցին և դրա հետ առնչվող Ճապոնիայի մասնակցությանը։

Հետաքրքիր փաստաթղթեր են ներկայացված աշխարհում առաջին կին դիվանագետ, 1920 թ․ Ճապոնիայում Հայաստանի առաջին Հանրապետության դիվանագիտական ներկայացուցիչ Դիանա Աբգարի մասին։ Ցուցադրված են կարևոր ու արժեքավոր փաստաթղթեր՝ ազգերի ու ժողովուրդների միջև մարդասիրական վառ դրսևորումներով, որոնք վերաբերում են 1923 թ. Ճապոնիայի երկրաշարժի ժամանակ Հայաստանի կողմից ցուցաբերված օգնությանը և, փոխադարձաբար, 1988 թ. Սպիտակի երկրաշարժի ժամանակ Ճապոնիայի կողմից ցուցաբերված մարդասիրական օգնությանը։

Այս թեմայով «Տելեգրամ»-ը սպառնալիք է Ուկրաինայի ազգային անվտանգության համար. Կիրիլ Բուդանով Ազգային հավաքականի անվանական մարզաշապիկներ՝ Արթուր Ալեքսանյանին, Մալխաս Ամոյանին և Արթուր Դավթյանին (լուսանկարներ) Հրապարակվել է Հայաստանի ազգային հավաքականի վերջնական հայտացուցակը Լատվիայի դեմ խաղում. ովքեր են դուրս մնացել Ինչո՞ւ են թանկացել ֆուտբոլի ազգային հավաքականի հանդիպումների տոմսերը. «Փաստ» ԿԲ-ն շրջանառության մեջ է դնում Գևորգյան հոգևոր ճեմարանի հիմնադրման 150-ամյակին նվիրված հուշադրամ Հանրային հեռուստատեսությունը հատել է էթիկայի մի շարք կանոններ, ակնհայտ ազգային ատելություն քարոզել արցախցիների հանդեպ. Բեգլարյան Մարությանի ղեկավարած «Ազգային առաջընթաց» խմբակցության նվերը Փաշինյանին Լայպցիգում միջոցառում են կազմակերպել՝ նվիրված Փարաջանովի 100 ամյակին ՀՀ նախագահն այցելել է Հայաստանի ազգային պոլիտեխնիկական համալսարան Կարապի լճում կներկայացնեն «Ազնավուրը կինոյում. ռետրոսպեկտիվ ցուցադրություն» ֆիլմը